സിനിമാസ്വാദകർ കാത്തിരിക്കുന്ന ബ്രഹ്മാണ്ഡ ചിത്രം മാമാങ്കത്തിലെ താരാട്ട് പാട്ട് പുറത്തിറങ്ങി. “കണ്ണനുണ്ണി മകനെ കണ്ണേ എൻ പൈതലേ” എന്ന ഗാനമാണ് പുറത്തിറങ്ങിയിരിക്കുന്നത്. അജയ് ഗോപാലിന്റെ വരികൾക്ക് എം. ജയചന്ദ്രൻ ഈണം പകർന്ന് ബോംബെ ജയശ്രീ ആണ് ആലപിച്ചിരിക്കുന്നത്.
മാസ്റ്റര് അച്യുതന് അവതരിപ്പിക്കുന്ന ചന്തുണ്ണി എന്ന കഥാപാത്രത്തിന്റെ വളര്ച്ചയാണ് ഗാനത്തില് കാണിക്കുന്നത്. കനിഹ, ഉണ്ണി മുകുന്ദന്, അനു സിത്താര എന്നിവരും ഗാന രംഗത്തില് പ്രത്യക്ഷപ്പെടുന്നുണ്ട്. എം പത്മകുമാര് സംവിധാനം ചെയ്യുന്ന ചിത്രം കാവ്യ ഫിലിം കമ്പനിയുടെ ബാനറില് വേണു കുന്നപ്പിള്ളിയാണ് നിര്മ്മിക്കുന്നത്.
മമ്മൂട്ടി നായകനാകുന്ന ചിത്രത്തില് ഉണ്ണി മുകുന്ദന്, കനിഹ, അനു സിത്താര, സിദ്ദീഖ്, തരുണ് അറോറ, സുദേവ് നായര്, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാന്, മാസ്റ്റര് അച്യുതന് എന്നിവരാണ് മറ്റ് പ്രധാന താരങ്ങള്. മലയാളം, തമിഴ്, തെലുങ്ക്, ഹിന്ദി എന്നീ നാല് ഭാഷകളിലായി ഡിസംബര് 12ന് ചിത്രം തിയേറ്ററുകളിലെത്തും.