കൊച്ചി: നെടുങ്കണ്ടത്തെ രാജ്കുമാറിന്റെ കസ്റ്റഡിമരണക്കേസ് സിബിഐക്ക് വിടണമെന്നാവശ്യപ്പെട്ട് ഭാര്യയും മക്കളും നല്കിയ ഹര്ജി ഹൈക്കോടതി ഇന്ന് പരിഗണിക്കും. പൊലീസ് രാജ്കുമാറിനെ കസ്റ്റഡിയില് എടുത്തത് നിയമവിരുദ്ധമായാണെന്നും ക്രൂരമായ മര്ദ്ദനമാണ് മരണ കാരണമെന്നും ഹര്ജിയില് പറയുന്നു.
കസ്റ്റഡിമരണത്തില് ഉത്തരവാദികളായവരില് നിന്നും ഒരു കോടി രൂപ വീതം നഷ്ടപരിഹാരം ഈടാക്കി നല്കണമെന്നും ഭാര്യ വിജയ ഹര്ജിയില് പറയുന്നു. ജൂണ് 12 മുതല് 16 വരെ രാജ്കുമാറിനെ അന്യായമായി കസ്റ്റഡിയില് പീഡിപ്പിച്ചെന്നാണ് പ്രധാന പരാതി. സംഭവത്തില് എസ്പി,ഡിവൈഎസ്പി, മജിസ്ട്രേറ്റ്, പോസ്റ്റ്മോര്ട്ടം നടത്തിയ ഡോക്ടര് എന്നിവരുടെ വീഴ്ചയും അന്വേഷിക്കണമെന്നും ഹര്ജിയില് ആവശ്യപ്പെടുന്നു.