കൊച്ചി: തുടര്ച്ചയായ 57 ദിവസത്തെ വിലയിടിവിനു ശേഷം പെട്രോള് വില ഉയര്ന്നു. ഇന്ന് ലീറ്ററിന് 11 പൈസയാണ് വര്ദ്ധിച്ചിരിക്കുന്നത്. രാജ്യാന്തര വിപണിയില് അസംസ്കൃത എണ്ണ വിലയിലുണ്ടായ നേരിയ വര്ധനയെ തുടര്ന്നാണ് എണ്ണക്കമ്പനികള് വില കൂട്ടിയത്.
ഡീസല് വിലയില് മാറ്റമില്ല. കൊച്ചി നഗരത്തില് 72.03 രൂപ വരെ കുറഞ്ഞ പെട്രോള് വില ഇന്ന് 72.14 രൂപയായി. 68.22 രൂപയാണു നഗരത്തിലെ ഡീസല് വില.
നഗരത്തില് 85 രൂപയ്ക്കു മുകളിലെത്തിയ പെട്രോള് വിലയാണ് പടിപടിയായി കുറഞ്ഞ് 72ല് എത്തിയത്. വരും ദിവസങ്ങളിലും ഇന്ധന വില ഉയരാനാണ് സാധ്യത.