കന്യാസ്ത്രീയെ പീഡിപ്പിച്ച കേസില് ബിഷപ്പ് ഫ്രാങ്കോ മുളയ്ക്കലിന് ഹൈക്കോടതി ജാമ്യം അനുവദിച്ചു. കേരളത്തില് പ്രവേശിക്കരുത്, രണ്ടാഴ്ച കൂടുമ്പോള് അന്വേഷണ ഉദ്യോഗസ്ഥന് മുമ്പില് ഹാജരാകണം, പാസ്പോര്ട്ട് കോടതിയില് സമര്പ്പിക്കണം എന്നീ ഉപാധികളോടെയാണ് ജാമ്യം. രണ്ടാം തവണയാണ് ജാമ്യാപേക്ഷയുമായി ഫ്രാങ്കോ മുളയ്ക്കല് കോടതിയെ സമീപിച്ചത്.
ജാമ്യാപേക്ഷയെ സര്ക്കാര് എതിര്ത്തിരുന്നു. രണ്ട് പേരുടെ രഹസ്യമൊഴി കൂടി രേഖപ്പെടുത്താനുണ്ടെന്ന് സര്ക്കാര് കോടതിയില് അറിയിച്ചു.