വിവിധ ഹിന്ദു സംഘടനകള് ജൂലൈ 30ന് ആഹ്വാനം ചെയ്തിരിക്കുന്ന ഹര്ത്താലില് ഒരു കാരണവശാലും കടകള് അടപ്പിക്കുകയോ വാഹന ഗതാഗതം തടസ്സപ്പെടുത്തുകയോ ചെയ്യുന്നില്ലെന്ന് ഉറപ്പാക്കണമെന്ന് പോലീസിനോട് ഹൈക്കോടതി ആവശ്യപ്പെട്ടു.
കൊച്ചിയിലെ സേ നോ ടു ഹര്ത്താല് എന്ന സംഘടന നല്കിയ ഹര്ജിയിലാണ് ഹൈക്കോടതിയുടെ പരാമര്ശം. ഹര്ത്താലില് ആര്എസ്എസ് പങ്കെടുക്കില്ലെന്ന് സംഘടനയുടെ നേതൃത്വം വ്യക്തമാക്കിയിട്ടുണ്ട്.
ശബരിമലയിലെ സ്ത്രീപ്രവേശന വിഷയത്തില് ഹിന്ദുവിശ്വാസത്തിന് വിരുദ്ധമായ നിലപാട് സര്ക്കാര് എടുക്കുന്നതില് പ്രതിഷേധിച്ചാണ് വിവിധ സംഘടനകള് ഹര്ത്താലിന് ആഹ്വാനം ചെയ്തിരിക്കുന്നത്.
അയ്യപ്പ ധര്മ്മസേന, വിശാല വിശ്വകര്മ്മ ഐക്യവേദി, ശ്രീരാമസേന, ഹനുമാന് സേന എന്നീ സംഘടനകളാണ് ഹര്ത്താലിന് ആഹ്വാനം ചെയ്തിരിക്കുന്നത്.