കോതമംഗലം: കോവിഡ് സ്ഥിരീകരിച്ച യുവാവിനെ വീടിനുള്ളിൽ ജീവനൊടുക്കിയ നിലയിൽ കണ്ടെത്തി. കോതമംഗലം നഗരസഭ ഇരുപത്തിയഞ്ചാം വാർഡ് മുകളത്ത് ഗോപാലന്റെ രതീഷി(39)നെയാണ് ഇന്ന് പുലർച്ചെ സ്വന്തം മുറിയിലെ ഫാനിൽ തൂങ്ങി മരിച്ച നിലയിൽ കണ്ടെത്തിയത്.
ഞായറാഴ്ച വൈകിട്ടാണ് ഇയാൾക്ക് കോവിഡ് സ്ഥിരീകരിച്ചത്. ബന്ധുവിന് കോവിഡ് സ്ഥിരീകരിച്ചതിനെ തുടർന്ന് രതീഷ് വീട്ടിൽ ക്വാറന്റൈനിൽ കഴിയുകയായിരുന്നു.
അവിവാഹിതനായ രതീഷ് വെൽഡിംഗ് തൊഴിലാളിയാണ്. പോലീസും ആരോഗ്യ പ്രവർത്തകരും സ്ഥലത്തെത്തി മേൽനടപടികൾ ആരംഭിച്ചു.