തിരുവനന്തപുരം :സ്വര്ണക്കടത്ത് കേസിലെ അന്വേഷണസംഘത്തിൽ മാറ്റം. കസ്റ്റംസ് അന്വേഷണ സംഘത്തിലെ അസിസ്റ്റന്റ് കമ്മീഷണര് എന് എസ് ദേവിനെ കസ്റ്റംസ് പ്രിവന്റീവ് വിഭാഗത്തില് നിന്ന് മാറ്റി. സ്വപ്ന സുരേഷിന്റെ മൊഴി ചോര്ന്നതിന് പിന്നാലെയാണ് നടപടിയെന്നാണ് സൂചന. വകുപ്പ് തല അന്വേഷണത്തിനും തീരുമാനമായി.
മൊഴിയിലെ ഒരു ഭാഗം മാത്രം ചോര്ന്നതില് രാഷ്ട്രീയ ലക്ഷ്യങ്ങളുണ്ടെന്നാണ് ഉന്നത ഉദ്യോഗസ്ഥരുടെ വിലയിരുത്തല്. ഈ സാഹചര്യത്തില് ഉത്തരവാദികളായവരെ ഉടന് കണ്ടെത്തണമെന്നാണ് കേന്ദ്ര സര്ക്കാരും നല്കിയിരിക്കുന്ന നിര്ദേശം. കസ്റ്റംസിലെ ഇടത് ആഭിമുഖ്യമുള്ളവരാണ് മൊഴി ചോര്ന്നതിന് പിന്നിലെന്ന നിഗമനത്തിലാണ് ഉന്നത ഉദ്യോഗസ്ഥര്.