പ്രശസ്ത സംവിധായകന് എസ് എസ് രാജമൗലിക്ക് കൊവിഡ് ബാധ സ്ഥിരീകരിച്ചു. ഫേസ്ബുക്ക് പേജിലൂടെ രാജമൗലി തന്നെയാണ് വിവരം പങ്കുവച്ചത്. കുടുംബാംഗങ്ങ്ള്ക്കും കൊവിഡ് പോസിറ്റീവാണെന്ന് അദേഹം അറിയിച്ചു. രോഗമുക്തി നേടിയാല് പ്ലാസ്മ ദാനം ചെയ്യുമെന്നും അദ്ദേഹം കുറിച്ചു.
“എനിക്കും കുടുംബാംഗങ്ങള്ക്കും കുറച്ചു ദിവസങ്ങള്ക്ക് മുന്പ് ചെറിയ പനി വന്നു. പനി ക്രമേന കുറഞ്ഞു എങ്കിലും ഞങ്ങള് ടെസ്റ്റ് ചെയ്തു. റിസല്ട്ട് വന്നപ്പോള് കൊവിഡ് പോസിറ്റീവാണ്. ഡോക്ടര്മാരുടെ നിര്ദ്ദേശപ്രകാരം ഞങ്ങള് വീട്ടില് ക്വാറന്്റീനില് കഴിയുകയാണ്. ഞങ്ങള്ക്ക് രോഗലക്ഷണങ്ങള് ഇല്ല. വലിയ പ്രശ്നങ്ങള് ഇല്ല. ആരോഗ്യപ്രവര്ത്തകരുടെ നിര്ദ്ദേശങ്ങള് ഞങ്ങള് പാലിക്കുന്നുണ്ട്.
പ്ലാസ്മ ദാനം ചെയ്യാന് ആന്്റിബോഡി ഡെവലപ്പ് ആവാന് ഞങ്ങള് കാത്തു നില്ക്കുകയാണ്.”- അദ്ദേഹം കുറിച്ചു.
2001ല് സ്റ്റുഡൻറ് നമ്പർ വണ് എന്ന സിനിമയിലൂടെയാണ് രാജമൗലി സിനിമാ മേഖലയില് എത്തുന്നത്. മഗധീര (2009), ഈഗ (2012) എന്നീ സിനിമകള് അദ്ദേഹത്തെ തെലുങ്ക് സിനിമയിലെ സൂപ്പര് സംവിധായകനാക്കി. ബാഹുബലി ചിത്രങ്ങളിലൂടെ ഇന്ത്യയിലെ തന്നെ ഏറ്റവും മികച്ച സംവിധായകരില് ഒരാള് എന്ന നേട്ടവും അദ്ദേഹത്തിനു സ്വന്തമായി