കോയമ്പത്തൂര്: കെഎസ്ആര്ടിസി ബസും കണ്ടെയ്നര് ലോറിയും കൂട്ടിയിടിച്ച് 19 പേര് മരിച്ചു. മരിച്ച 19 പേരും മലയാളികളാണ്. നിരവധിപ്പേര്ക്ക് പരിക്കേല്ക്കുകയും ചെയ്തു. കോയമ്പത്തൂര് അവിനാശി റോഡില് വ്യാഴാഴ്ച പുലര്ച്ചെയാണ് അപകടമുണ്ടായത്. കെഎസ്ആര്ടിസി ബസിന്റെ കണ്ടക്ടറും അപകടത്തില് മരണപ്പെട്ടു.ടി.ഡി. ഗിരീഷ്, ബൈജു എന്നിവരാണ് മരിച്ചതെന്നാണ് വിവരം. പരിക്കേറ്റവരെ അവിനാശി സര്ക്കാര് ആശുപത്രിയില് പ്രവേശിപ്പിച്ചു. കൃഷ്(29), ജോര്ദന്(35),കിരണ്കുമാര്(33),ഇഗ്നി റാഫേല്(39) റോസ്ലി(61) എന്നിവരാണ് മരിച്ചവരില് ചിലര്.
തിരുപ്പൂര്, കോയമ്പത്തൂര് എന്നിവിടങ്ങളിലേക്ക് മരിച്ചവരുടെ മൃതദേഹങ്ങള് മാറ്റി. ബംഗളൂരുവില്നിന്ന് എറണാകുളത്തേക്ക് വരികയായിരുന്ന കെഎസ്ആര്ടിസി ബസാണ് അപകടത്തില്പ്പെട്ടത്. നിയന്ത്രണം വിട്ട കണ്ടെയ്നര് ലോറി ബസില് വന്ന് ഇടിക്കുകയായിരുന്നു. ഇടിയുടെ ആഘാതത്തില് ബസ് പൂര്ണ്ണമായും തകര്ന്നു. അപകടം നടന്നത് നഗരത്തില് നിന്ന് വളരെ അകലെ ആയിരുന്നതിനാലും അര്ധ രാത്രിയിലായിരുന്നതിനാലും രക്ഷാപ്രവര്ത്തനം വൈകിയാണ് തുടങ്ങിയത്. ആദ്യം തദ്ദേശവാസികളാണ് രക്ഷാ പ്രവര്ത്തനത്തിനെത്തിയത്. പിന്നീട് ഫയര് ആന്ഡ് റെസ്ക്യൂ സംഘവും പോലീസും സ്ഥലത്തെത്തി.
സേലത്ത് വെച്ച് നടന്ന മറ്റൊരു അപകടത്തില് അഞ്ച് പേര് മരിച്ചിട്ടുണ്ട്. നേപ്പാളില് നിന്ന് വന്ന ടൂറിസ്റ്റ് ബസും ലോറിയുമാണ് സേലത്ത് കൂട്ടിയിടിച്ചത്. അപകടത്തില് അഞ്ച് നേപ്പാള് സ്വദേശികളാണ് മരിച്ചത്. 26 പേര്ക്ക് പരിക്കേറ്റുവെന്നാണ് വിവരം.
താഴെക്കൊടുത്തിരിക്കുന്ന ലിങ്കിൽ ക്ലിക്ക് ചെയ്തു കേരളവിഷൻ ഗ്രൂപ്പിൽ ചേരാം:
https://chat.whatsapp.com/BJc0Xq2qnfqItFdCgqj2tx