ഹൊനലുലു: ഹവായി ദ്വീപ് സമൂഹത്തിലെ ഏറ്റവും ഒറ്റപ്പെട്ട ദ്വീപിലേക്ക് പുറപ്പെട്ട ഹെലികോപ്റ്റര്‍ തകര്‍ന്നുവീണു. രണ്ട് കുട്ടികൾ ഉൾപ്പടെ ഏഴ് യാത്രക്കാരാണ് ഹെലികോപ്റ്ററില്‍ ഉണ്ടായിരുന്നത്. ആറു പേരുടെ മൃതദേഹം കണ്ടെത്തി. ഒരാള്‍ക്കായി തിരച്ചില്‍ തുടരുന്നു. ഹവായിയിലെ ഏറ്റവും വിദൂരതയിലുള്ള ന പാലി തീരമേഖലയിലേക്കായിരുന്നു ഹെലികോപ്ടറിന്റെ യാത്ര. 1997ല്‍ ‘ജൂറാസിക് പാര്‍ക്ക്’ സിനിമാ സീരീസിലെ ലോസ്റ്റ് വേള്‍ഡ് ചിത്രീകരിച്ചത് ഇവിടെയായിരുന്നു. യാത്രക്കാരെ കുറിച്ച് അന്വേഷിക്കാന്‍ രക്ഷാസേനാംഗങ്ങളെ ദ്വീപിലേക്ക് അയക്കുമെന്ന് അധികൃതര്‍ പറഞ്ഞു. വ്യാഴാഴ്ച വൈകിട്ട് എത്തേണ്ടിയിരുന്ന യാത്രാസംഘത്തെപ്പറ്റി വിവരങ്ങളൊന്നും ലഭിക്കാതായതോടെയാണ് തിരച്ചില്‍ ആരംഭിച്ചത്.
