കേരളത്തില് സൂര്യഗ്രഹണം ദൃശ്യമായി തുടങ്ങി. 9.26 മുതല് 9.30 വരെ ഗ്രഹണം പൂര്ണ്ണമായി കാണാം. വടക്കന് ജില്ലകളിലാകും ഗ്രഹണം പൂര്ണ്ണമായി കാണാന് സാധിക്കുക. മറ്റ് ജില്ലകളില് ഭാഗികമായി മാത്രമേ ഗ്രഹണം ദൃശ്യമാകൂ.
ചന്ദ്രന് സൂര്യനും ഭൂമിക്കുമിടയില് വന്ന് സൂര്യനെ കാഴ്ചയില്നിന്ന് മറയ്ക്കുന്ന പ്രതിഭാസമാണ് സൂര്യഗ്രഹണം. ചില സന്ദര്ഭങ്ങളില് സൂര്യനെ പൂര്ണമായി മറയ്ക്കാന് ചന്ദ്രനാകില്ല, ആ സമയത്ത് ഒരു വലയം ബാക്കിയാക്കും. ഇതിനെയാണ് വലയ സൂര്യഗ്രഹണമെന്ന് പറയുന്നത്. 130 കിലോമീറ്ററോളം വീതിയുള്ളതാണ് വലയ ഗ്രഹണപാത. കാസര്കോട്, കണ്ണൂര്, വയനാട് ജില്ലകളിലൂടെയാണ് മധ്യരേഖ കടന്നുപോകുന്നത്. അതുകൊണ്ടുതന്നെ ആ രേഖയിലും അതിനോട് അടുത്തുവരുന്ന ഏതാനും കിലോമീറ്ററുകളിലുള്ള സ്ഥലങ്ങളിലും സൂര്യവലയം മുഴുവന് വളരെ കൃത്യതയുള്ളതായിരിക്കും.