തിരുവനന്തപുരം: മാധ്യമപ്രവര്ത്തകന് നേരെ വനിതാ പോലീസിന്റെ കൈയേറ്റവും തെറിവിളിയും. ജയ്ഹിന്ദ് ചാനലിന്റെ ക്യാമറാമാനെയാണ് വനിതാ പോലീസ് കൈയ്യേറ്റം ചെയ്തതും തെറിവിളിച്ചതും. മുഖത്തടിയേറ്റ ക്യാമറാമാന് തിരുവനന്തപുരം ജനറല് ആശുപത്രിയില് ചികിത്സ തേടി. മുന് മുഖ്യമന്ത്രി ആര് ശങ്കറിന്റെ ചരമവാര്ഷികം റിപ്പോര്ട്ട് ചെയ്യാനെത്തിയപ്പോഴായിരുന്നു സംഭവം. നിയമസഭയ്ക്ക് മുന്നില് വാഹനം പാര്ക്ക് ചെയ്തതിനെച്ചൊല്ലിയായിരുന്നു തര്ക്കം. വാഹനം മാറ്റിയിടണമെന്ന് ആവശ്യപ്പെട്ട് പോലീസുകാരി ഒരു പ്രകോപനവുമില്ലാതെ വിപിന്റെ മുഖത്ത് അടിക്കുകയായിരുന്നു. പോലീസുകാരിയെ തടയാന് സഹപ്രവര്ത്തകര് ശ്രമിച്ചിട്ടും അവര് തെറിവിളിച്ചു.സംഭവത്തില് മുഖ്യമന്ത്രിക്കും സ്പീക്കര്ക്കും പുറമെ പോലീസിലും പരാതി നല്കിയിട്ടുണ്ട്.
മാധ്യമപ്രവര്ത്തകനെ മുഖത്തടിച്ചും തെറിവിളിച്ചും പോലീസുകാരി
By
November 7, 2019 2:55 pm