ദിലീപിനൊപ്പമുള്ള കാവ്യ മാധവന്റെ ഏറ്റവും പുതിയ ചിത്രം വൈറലാകുന്നു. ദിലീപിന്റെ ഔദ്യോഗിക ഫാന് ഗ്രൂപ്പ് ആയ ദിലീപ് ഓണ്ലൈനിലാണ് ഇരുവരുടെയും ചിത്രം പങ്കുവെച്ചത്. നേരത്തെ കുഞ്ഞിന്റെ പേരിടല് ചടങ്ങിനിടെ പകര്ത്തിയ താരങ്ങള് ഒരുമിച്ചുള്ള ചിത്രങ്ങള് വൈറലായിരുന്നു.
അന്ന് കാവ്യയുടെ മേക്കപ്പ് ആര്ട്ടിസ്റ്റായ ഉണ്ണിയാണ് സാമൂഹ്യമാധ്യമങ്ങളിലൂടെ കാവ്യയ്ക്കും ദിലീപിനുമൊപ്പമുള്ള ചിത്രം പങ്കുവെച്ചത്. കഴിഞ്ഞ ഒക്ടോബറിലാണ് ദിലീപിനും കാവ്യയ്ക്കും പെണ്കുഞ്ഞ് ജനിച്ചത്. വിജയദശമി ദിനത്തില് ജനിച്ച മകള്ക്ക് മഹാലക്ഷ്മി എന്നാണ് പേര്.
വിവാഹത്തോടെ സിനിമയില്നിന്നു വിട്ടുനില്ക്കുന്ന കാവ്യ പൊതുവേദികളിലും പ്രത്യക്ഷപ്പെടാറില്ല. 2016 ല് റിലീസ് ചെയ്ത പിന്നെയും എന്ന ചിത്രത്തിലാണ് കാവ്യ അവസാനമായി അഭിനയിച്ചത്. അതേസമയം റാഫി സംവിധാനം ചെയ്യുന്ന ത്രിഡി ചിത്രം പ്രൊഫസര് ഡിങ്കന്, വ്യാസന് കെ.പി. സംവിധാനം ചെയ്യുന്ന ശുഭരാത്രി, എസ്.എല്. പുരം ജയസൂര്യ സംവിധാനം ചെയ്യുന്ന ജാക്ക് ഡാനിയല് എന്നിവയാണ് ദിലീപിന്റെ പുതിയ പ്രോജക്ടുകള്.