മുംബൈ : തന്റെ അമ്മയുടെ മരണത്തില്‍ ഭാര്യ സന്തോഷിച്ചുവെന്ന തോന്നലില്‍ ഭര്‍ത്താവ് ഭാര്യയെ കൊലപ്പെടുത്തി. വീടിന്റെ രണ്ടാം നിലയില്‍ നിന്നും തള്ളിയിട്ടാണ് ഇയാള്‍ ഭാര്യയെ കൊലപ്പെടുത്തിയത്. പോലീസിനോട് പ്രതി കുറ്റസമ്മതം നടത്തിയിട്ടുണ്ട്.
പടിഞ്ഞാറൻ മഹാരാഷ്ട്രയിലെ കോലാപുരിലായിരുന്നു സംഭവം. ആപ്തേനഗർ സ്വദേശിയായ സന്ദീപ് ലോകാന്ദെയാണ് ഭാര്യ ശുഭാഗ്നിയെ (35) കൊലപ്പെടുത്തിയത്
സന്ദീപിന്‍റെ അമ്മ മാലതിയുടെ മരണത്തിൽ സന്തോഷിച്ചതാണ് ശുഭാഗ്നിയെ കൊലപ്പെടുത്താൻ കാരണമായതെന്ന് പോലീസ് പറയുന്നു. വീടിന്റെ രണ്ടാം നിലയിലെ മട്ടുപ്പാവിൽനിന്നും ശുഭാഗ്നിയെ താഴേക്കു തള്ളിയിടുകയായിരുന്നു. സന്ദീപിനെ പോലീസ് അറസ്റ്റ് ചെയ്തു.
| ഭര്‍തൃമാതാവിന്റെ മരണത്തില്‍ ദു:ഖിതയായ മരുമകള്‍ രണ്ടാം നിലയില്‍ നിന്നും ചാടി ജീവനൊടുക്കിയെന്നായിരുന്നു മാധ്യമങ്ങളിലൂടെ ആദ്യം പുറത്തു വന്ന റിപ്പോര്‍ട്ടുകള്‍. എന്നാല്‍, ഈ സാധ്യതയില്‍ സംശയം തോന്നിയ പോലീസ് സന്ദീപിനെ ചോദ്യം ചെയ്തപ്പോഴാണ് ഞെട്ടിക്കുന്ന വിവരങ്ങള്‍ പുറത്തു വന്നത്. |
| അമ്മ മരിച്ച ശനിയാഴ്ച ശുഭാംഗി പതിവിലും സന്തോഷവതിയായിരുന്നു. ഉള്ളിലെ വികാരം മുഴുവന്‍ അവരുടെ മുഖത്ത് പ്രകടമായിരുന്നു. ഈ പെരുമാറ്റമാണ് സന്ദീപിനെ കോപാകുലനാക്കി. ഇതാണ് കൊലപാതകത്തില്‍ കലാശിച്ചതെന്ന് പോലീസ് പറയുന്നു. |
