പതിനെട്ടാം പടി’ എന്ന ചിത്രത്തിൽ ഗസ്റ്റ് റോളിൽ എത്തുന്ന മമ്മൂട്ടിയുടെ ലുക്കാണ് പുറത്തുവിട്ടിരിക്കുന്നത്. ചിത്രത്തിലെ താരത്തിന്റെ ലുക്കിനെ പുകഴ്ത്തി നിരവധിപേരാണ് ഇപ്പോൾ സോഷ്യൽ മീഡിയയിൽ വര്ണ്ണനകളുമായി എത്തിയിരിക്കുന്നത്.
ചിത്രത്തിൽ ഗസ്റ്റ് റോളിൽ എത്തുന്ന മമ്മൂട്ടിയുടെ ലുക്കാണ് പുറത്തുവിട്ടിരിക്കുന്നത്.
പുതിയ ലുക്ക് ട്രോളുകളിലും തരംഗമായി മാറിയിരിക്കുകയുമാണ്. ‘ശെടാ, പ്രായം കൂടും തോറും സൗന്ദര്യം കൂടി കൂടിവരുന്ന പ്രതിഭാസമാണല്ലോ ഇദ്ദേഹമെന്നാണ് ചിലരുടെ കമന്റ്. മുടി നീട്ടി വളർത്തി പിന്നിൽ കെട്ടിവച്ച് ഫേഡ് ഔട്ടായുള്ള അതിരപ്പള്ളി വെള്ളച്ചാട്ടത്തിന്റെ പശ്ചാത്തലത്തിൽ മാസ് ലുക്കിലാണ് മമ്മൂട്ടിയുടെ ലുക്ക്.
ആഗസ്റ്റ് സിനിമാസിന്റെ ബാനറിൽ ശങ്കർ രാമകൃഷ്ണൻ ഒരുക്കുന്ന ചിത്രമായ പതിനെട്ടാം പടി ഇതിനകം വാര്ത്തകളിൽ നിറഞ്ഞുകഴിഞ്ഞിട്ടുണ്ട്. ആക്ഷന് പ്രാധാന്യം നൽകി ഒരുക്കുന്ന ചിത്രത്തിൽ ടൊവീനോ, ആര്യ, പ്രിയ ആനന്ദ്, അഹാന, സാനിയ എന്നിവരാണ് പ്രധാന താരങ്ങള്. ചിത്രത്തിൽ ജോൺ എബ്രഹാം പാലക്കൽ എന്ന കഥാപാത്രമായി പ്രാധാന്യമുള്ള ഗസ്റ്റ് റോളിലാണ് മമ്മൂട്ടി എത്തുന്നത്.