ശബരിമല ക്ഷേത്രം ഹിന്ദുക്കളുടേത് മാത്രമാണെന്ന കാര്യത്തില് നിലവില് തര്ക്കങ്ങളുണ്ടെന്ന് സര്ക്കാര് ഹൈകോടതിയില് അറിയിച്ചു. ശബരിമലയില് അഹിന്ദുക്കളെ വിലക്കണമെന്ന് ആവശ്യപ്പെട്ട് ബി.ജെ.പി നേതാവ് ടി.ജി.മോഹന്ദാസ് സമര്പ്പിച്ച ഹര്ജിയിലാണിത്. ശബരിമലയിലെ ക്ഷേത്രത്തിലെ ഉടമസ്ഥാവകാശത്തെ പറ്റി നിലവില് തര്ക്കം നിലനില്ക്കുന്നുണ്ട്. മലഅരയന്മാരുടേതാണ് ക്ഷേത്രമെന്നും ബുദ്ധവിഹാരമായിരുന്നവെന്നും വാദം നിലനില്ക്കുന്നുണ്ട്. ശബരിമലയിലെത്തുന്നവര് വാവര് പള്ളിയില് പ്രാര്ത്ഥിച്ചതിന് ശേഷമാണ് മലകയറുന്നത്. എല്ലാ മതവിഭാഗങ്ങളിലുള്ളവരും ശബരിമലയില് ദര്ശനത്തിന് എത്താറുണ്ട്. അതിനാല് തന്നെ മുസ്ലിം, ക്രിസ്ത്യന് മതവിഭാഗങ്ങളെയു കേസില് കേള്ക്കണമെന്നും സര്ക്കാര് കോടതിയില് അറിയിച്ചു.
ശബരിമലയില് അഹിന്ദുക്കളെ വിലക്കരുതെന്ന് സര്ക്കാര്
By
November 12, 2018 4:20 pm