വിശാഖപട്ടണം: മാതാപിതാക്കള് അറിയാതെ കുഞ്ഞിനെ ദത്ത് നല്കിയെന്ന കേസില്, അനുപമയുടേതെന്ന് കരുതുന്ന കുഞ്ഞിനെ ശിശുക്ഷേമ സമിതി ഏറ്റുവാങ്ങി. ആന്ധ്രയിലെ ശിശുക്ഷേമസമിതി ഓഫീസില് വെച്ചാണ് ഏറ്റുവാങ്ങിയത്. കുഞ്ഞിനെ ദത്തെടുത്ത ആന്ധ്ര സ്വദേശികളായ ദമ്പതികള് കുഞ്ഞിനെ ഇവിടെ എത്തിക്കുകയായിരുന്നു.
ശനിയാഴ്ച വൈകുന്നേരത്തോടെയാണ് കേരളത്തില് നിന്നുള്ള നാലംഗ സംഘം ഇവിടെയെത്തിയത്. ആറുമണിയോടെ കുഞ്ഞിനെ ദത്തെടുത്ത ദമ്പതികളും എത്തി. ഒന്നര മണിക്കൂറോളം ഇവരോട് സംസാരിച്ച ശേഷമാണ് കുഞ്ഞിനെ ഏറ്റുവാങ്ങിയത്.
നാളെ രാവിലെ കുഞ്ഞിനെ കേരളത്തിലെത്തിക്കും. കോടതി നടപടികള് പൂര്ത്തീകരിക്കുന്നത് വരെ ശിശുക്ഷേമ സമിതിക്കായിരിക്കും കുഞ്ഞിന്റെ ഉത്തരവാദിത്വം.