കൊച്ചി: സ്വര്ണവില വീണ്ടും താഴ്ന്നു. 480 രൂപ കുറഞ്ഞ് ഒരു പവന് സ്വര്ണത്തിന്റെ വില 35,400 രൂപയായി. ഗ്രാമിന് 60 രൂപയാണ് ഇടിഞ്ഞത്. ഇതോടെ ഒരു ഗ്രാം സ്വര്ണത്തിന്റെ വില 4425 രൂപയായി.തുടര്ച്ചയായ ദിവസങ്ങളില് സ്വര്ണവിലയില് ഇടിവ് രേഖപ്പെടുത്തുകയാണ്. ഈ മാസത്തെ ഏറ്റവും താഴ്ന്ന നിലയിലാണ് സ്വര്ണവില.
ഈ മാസത്തിന്റെ തുടക്കത്തില് 36,880 രൂപയായിരുന്നു ഒരു പവന് സ്വര്ണത്തിന്റെ വില. ഒരു ഘട്ടത്തില് 36,960 രൂപ രേഖപ്പെടുത്തി ഈ മാസത്തെ ഏറ്റവും ഉയര്ന്ന നിലയില് എത്തിയിരുന്നു. പിന്നീട് വില താഴുന്നതാണ് കണ്ടത്. രണ്ടാഴ്ചക്കിടെ 1500 രൂപയാണ് കുറഞ്ഞത്.