ബംഗളൂരു: നടി തമന്ന ഭാട്ടിയയ്ക്ക് കോവിഡ് സ്ഥിരീകരിച്ചു. ഹൈദരാബാദിലെ സ്വകാര്യ ആശുപത്രിയില്‍ ചികിത്സയിലാണ് താരമെന്നാണു റിപ്പോര്‍ട്ടുകള്‍.
വെബ് സീരീസിന്‍റെ ഷൂട്ടിംഗിനായി താരം ഹൈദരാബാദിലായിരുന്നു. കോവിഡ് സ്ഥിരീകരിച്ച വിവരം തമന്ന ഒൗദ്യോഗികമായി ഇതുവരെ സ്ഥിരീകരിച്ചിട്ടില്ല. നേരത്തെ താരത്തിന്‍റെ മാതാപിതാക്കള്‍ക്ക് കോവിഡ് 19 സ്ഥിരീകരിച്ചിരുന്നു. ഈസമയം തമന്നയ്ക്കു കോവിഡ് ടെസ്റ്റ് നടത്തിയിരുന്നെങ്കിലും ഫലം നെഗറ്റീവായിരുന്നു.
നിലവില്‍ തമന്നയുടെ ആരോഗ്യനില തൃപ്തികരമാണെന്നാണ് വിവരം.
