മുംബൈ: നടന്‍ സുശാന്ത് സിങ് രാജ്പുത്തുമായി നവംബറില്‍ വിവാഹിതയാകാന്‍ തീരുമാനിച്ചിരുന്നതായും വിവാഹ ശേഷം കഴിയാന്‍ ഇരുവരും ചേര്‍ന്ന് ഫ്ലാറ്റ് വാങ്ങാനുള്ള ശ്രമത്തിലായിരുന്നുവെന്നും നടിയും സുഹൃത്തുമായ റിയ ചക്രബര്‍ത്തി. സുശാന്തിെന്‍റ ആത്മഹത്യക്ക് പിന്നാലെ ബാന്ദ്ര പൊലീസില്‍ നല്‍കിയ മൊഴിയിലാണ് വെളിപ്പെടുത്തല്‍.
ലോക്ഡൗണ്‍ കാലത്ത് സുശാന്തിനൊപ്പമായിരുന്നു കഴിഞ്ഞിരുന്നത്. എന്നാല്‍, വഴക്കിട്ട് ദിവസങ്ങള്‍ക്ക് മുമ്ബ് സുശാന്തി‍ന്‍റെ ഫ്ലാറ്റ് വിട്ടു. എങ്കിലും ഫോണ്‍വിളിയും ചാറ്റുമായി ബന്ധം നിലനിന്നിരുന്നു.
വിഷാദ രോഗ ചികിത്സയിലായ സുശാന്ത് മരുന്ന് കൃത്യമായി കഴിച്ചിരുന്നില്ല. പകരം യോഗയും ധ്യാനവുമാണ് ചെയ്തിരുന്നത്. ഫ്ലാറ്റ്വിട്ട് പോകുമ്ബോള്‍ സുശാന്തി‍ന്‍റെ അവസ്ഥ മോശമായിരുന്നു. അതിനാല്‍ കൂടെചെന്ന് നില്‍ക്കണമെന്ന് അദ്ദേഹത്തി‍ന്‍റെ സഹോദരിയെ അറിയിച്ചിരുന്നു.
അടുത്ത വര്‍ഷം വരെയുള്ള കരാറുകള്‍ സുശാന്തിന് ലഭിച്ചിരുന്നതായും റിയ പറഞ്ഞു. മരിക്കുന്നതിന് െതാട്ടുമുമ്ബത്തെ രാത്രി റിയയെയാണ് സുശാന്ത് അവസാനമായി വിളിച്ചതെന്നും ഫോണെടുത്തില്ലെന്നും റിപ്പോര്‍ട്ടുകളുണ്ട്.
