ന്യൂഡല്ഹി: കേരളത്തില് കൊറോണവൈറസ് ബാധ സ്ഥിരീകരിച്ചു. ചൈനയിലെ വുഹാനില് നിന്നെത്തിയ മലയാളി വിദ്യാര്ഥിനിക്കാണ് കൊറോണ ബാധിച്ചതായി സ്ഥിരീകരിച്ചത്. കേന്ദ്ര ആരോഗ്യ മന്ത്രാലയമാണ് ഇക്കാര്യം സ്ഥിരീകരിച്ചത്.
തൃശ്ശൂരില് നിന്നുള്ള വിദ്യാര്ത്ഥിനിക്കാണ് വൈറസ് ബാധ.തൃശ്ശൂര് ജനറല് ആശുപത്രിയിലാണ് വിദ്യാര്ത്ഥി ചികിത്സയിലുള്ളത്.
വിദ്യാര്ഥിനിയുടെ നിലഗുരുതരമല്ലെന്നും നിരീക്ഷണത്തില് തുടരുകയാണെന്നുമാണ് റിപ്പോര്ട്ട്. ഇന്ത്യയില് ആദ്യമായിട്ടാണ് കൊറോണവൈറസ് സ്ഥിരീകരിക്കുന്നത്. അതേസമയം, ഭയപ്പെടേണ്ട സാഹചര്യമില്ലെന്നും, വിദ്യാർത്ഥിനിയെ ഐസൊലേഷൻ വാർഡിലേക്ക് മാറ്റിയിട്ടുണ്ടെന്നും സാഹചര്യങ്ങൾ സൂക്ഷ്മമായി നിരീക്ഷിച്ച് വരികയാണെന്നും കേന്ദ്രസർക്കാർ പുറത്തിറക്കിയ വാർത്താക്കുറിപ്പിൽ പറയുന്നു.