പൂന: ഫ്ലാറ്റ് സമുച്ചയത്തിന്റെ മതിലിടിഞ്ഞു വീണ് നാലു കുട്ടികൾ ഉൾപ്പെടെ 15 പേർ മരിച്ചു. നിരവധിപ്പേർക്ക് പരിക്കേൽക്കുകയും ചെയ്തു.
പുലർച്ചെ മഹാരാഷ്ട്രയിലെ പൂനയിൽ കൊന്തുവ മേഖലയിലാണ് സംഭവമുണ്ടായത്.കനത്ത മഴയെ തുടർന്ന് 40 അടി ഉയരമുളള മതിൽ സമീപത്തെ കുടിലുകൾക്ക് മുകളിലേക്ക് ഇടിഞ്ഞു വീഴുകയായിരുന്നു. ദേശീയ ദുരന്തനിവാരണ സേന ഉൾപ്പെടെയുള്ളവർ എത്തിയാണ് രക്ഷാപ്രവർത്തനം നടത്തിയത്.
ബിഹാർ, ബംഗാൾ സ്വദേശികളായ തൊഴിലാളി കുടുംബങ്ങളാണ് കുടിലുകളിൽ താമസിച്ചിരുന്നത്. ഫ്ലാറ്റിനു പുറത്ത് നിർത്തിയിട്ടിരുന്ന നിരവധി കാറുകളും തകർന്നിട്ടുണ്ട്. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ അന്വേഷണം പ്രഖ്യാപിച്ചതായി ജില്ലാ ഭരണകൂടം അറിയിച്ചു.</span>