കോഴിക്കോട്: ആമാശയത്തില്‍ തറച്ച സൂചി ശസ്ത്രക്രിയ കൂടാതെ പുറത്തെടുത്ത് മെഡിക്കല്‍ കോളജ് ആശുപത്രി സര്‍ജറി വിഭാഗം. മലപ്പുറം സ്വദേശിയായ 13 കാര‍െന്‍റ ആമാശയത്തിലാണ് സൂചി തറച്ചത്. ഒരാഴ്ച മുമ്ബായിരുന്നു സംഭവം. ശക്തമായ വയറുവേദനയുമായി ആശുപത്രിയിലെത്തിയ കുട്ടിയുടെ എക്സ്റേ റിപ്പോര്‍ട്ടിലാണ് ആമാശയത്തിലെ സൂചി കണ്ടെത്തിയത്.
ആശുപത്രിയില്‍ പുതുതായി സ്ഥാപിച്ച ഒ.ജി.ഡി എന്‍ഡോസ്കോപ്പി സെന്‍ററിലൂടെ ശസ്ത്രക്രിയയില്ലാതെ സൂചി പുറത്തെടുക്കാന്‍ നടപടി തുടങ്ങുകയായിരുന്നു. വെള്ളിയാഴ്ചയാണ് ഒ.ജി.ഡി എന്‍ഡോസ്കോപ്പി മെഡിക്കല്‍ കോളജില്‍ സ്ഥാപിച്ചത്. അന്നുതന്നെ കുട്ടിയുടെ ആമാശയത്തില്‍ നിന്ന് സൂചി വിജയകരമായി നീക്കാനുമായി.
