ന്യൂഡല്ഹി: ഉന്നാവ് പെണ്കുട്ടിയുടെ അച്ഛന് കസ്റ്റഡിയില് കൊല്ലപ്പെട്ട കേസില് ബിജെപി മുന് എംഎല്എ കുല്ദീപ് സിങ് സെന്ഗാര് കുറ്റക്കാരനെന്ന് കോടതി. സെന്ഗാറടക്കം 11 പേര്ക്കെതിരെയാണ് കേസെടുത്തത്. നരഹത്യക്കാണ് ഇവരെ കുറ്റക്കാരെന്ന് വിധിച്ചത്. കേസില് ഏഴ് പേര് കുറ്റക്കാരാണെന്ന് കോടതി കണ്ടെത്തി. നാല് പേരെ വെറുതെ വിട്ടു. ഡല്ഹി തീസ് ഹരാരി കോടതിയാണ് സെന്ഗാര് കുറ്റക്കാരനാണെന്ന് വിധിച്ചത്. 2018 ഏപ്രില് ഒമ്പതിനാണ് ജുഡീഷ്യല് കസ്റ്റഡിയില് പെണ്കുട്ടിയുടെ പിതാവ് മരിച്ചത്. പിതാവിന്റെ മരണത്തില് സെന്ഗാറിന് പങ്കുണ്ടെന്ന് പെണ്കുട്ടിയുടെ കുടുംബം ആരോപിച്ചിരുന്നു. പെണ്കുട്ടിയെ ബലാത്സംഗം ചെയ്ത കേസിലും കുല്ദീപ് സെന്ഗര് ശിക്ഷ അനുഭവിക്കുകയാണ്. പെണ്കുട്ടിയും കുടുംബവും സഞ്ചരിച്ച കാര് ട്രക്കുമായി കൂട്ടിയിടിച്ച കേസിലും സെന്ഗര് പ്രതിയാണ്.
കേരളത്തിൽ ഏറ്റവും കൂടുതൽ വായിക്കപ്പെടുന്ന വാട്സ്ആപ്പ് വാർത്തകൾ നിങ്ങൾക്ക് ലഭിക്കാൻ ക്ലിക്ക് ചെയ്യുക:
https://chat.whatsapp.com/GuudxtLhAiIG4uoIVbclOR