സ്വകാര്യത മൗലികാവകാശമാണെന്നും അത് നിഷേധിക്കാന് കഴിയില്ലെന്നും സുപ്രീം കോടതി. ആധാര് നിയമം ജനങ്ങളുടെ സ്വകാര്യതയ്ക്കുള്ള അവകാശം ഭംഗിക്കുന്നുവെന്ന ഹര്ജി പരിഗണിക്കവെ സുപ്രീംകോടതിയുടെ ഒമ്പതംഗ ബെഞ്ചാണ് വിധി പറഞ്ഞത്. 1954ലെയും 1962ലെയും വിധികള് ചീഫ് ജസ്റ്റീസ് അധ്യക്ഷനായ ബെഞ്ച് അസാധുവാക്കി.
ഓഗസ്റ്റ് രണ്ടിന് വാദം പൂര്ത്തിയാക്കിയ കോടതി കേസ് വിധിപറയുന്നതിനായി മാറ്റിവയ്ക്കുകയായിരുന്നു. ചീഫ് ജസ്റ്റിസ് ജെ.എസ്. ഖേഹര് അധ്യക്ഷനായ ബെഞ്ച് ആറുദിവസം തുടര്ച്ചയായി വാദം കേട്ടതിനുശേഷമാണ് വിധി പറയാനായി മാറ്റിയത്. ചീഫ് ജസ്റ്റിസിനു പുറമേ ജഡ്ജിമാരായ ജെ. ചെലമേശ്വര്, എസ്.എ. ബോബ്ഡെ, ആര്.കെ. അഗര്വാള്, ആര്.എഫ്. നരിമാന്, എ.എം. സപ്രെ, ഡി.വൈ. ചന്ദ്രചൂഢ്, എസ്.കെ. കൗള്, എസ്. അബ്ദുള് നസീര് എന്നിവരാണ് ഒമ്പതംഗ ബെഞ്ചിലെ മറ്റംഗങ്ങള്.
ക്ഷേമ പദ്ധതികള്ക്ക് ആധാര് നിര്ബന്ധമാക്കുന്നതിനെതിരെ സുപ്രീം കോടതിയില് ഹര്ജി സമര്പ്പിച്ചിരുന്നു. ഈ ഹര്ജി പരിഗണിച്ച മൂന്നംഗ ബെഞ്ച് കേസ് വിശാല ബെഞ്ചിനു വിട്ടു. കേസ് പരിഗണിച്ച ഭരണഘടനാ ബെഞ്ച് വിഷയം ഒമ്പതംഗ ബെഞ്ചിനു വിടുകയായിരുന്നു.സ്വകാര്യത മൗലികാവകാശത്തിന്റെ പരിധിയില് വരില്ലെന്ന് 1954ല് എട്ടംഗ ബെഞ്ച് വിധിച്ചിരുന്നു. ഈ വിധി ശരിയാണോയെന്നാണ് ഒമ്പതംഗ ബെഞ്ച് പരിശോധിച്ചത്.