തിരുവനന്തപുരം: നയപ്രഖ്യാപന പ്രസംഗത്തിനിടെ സി.എ.എ പരാമര്ശങ്ങളില് ഗവര്ണര് ആരിഫ് മുഹമ്മദ് ഖാന് നടത്തിയ വിയോജിപ്പ് സഭാരേഖകളില് ഉണ്ടാവില്ലെന്ന് സ്പീക്കര് പി.ശ്രീരാമകൃഷ്ണന്. പ്രസംഗത്തിന്റെ 18ാം ഖണ്ഡികയിലാണ് സി.എ.എക്കെതിരായ പരാമര്ശങ്ങള് ഉള്പ്പെട്ടിരുന്നത്.
തനിക്ക് ഇതില് വിയോജിപ്പുണ്ടെന്നും എന്നാല് മുഖ്യമന്ത്രി പറഞ്ഞത് കൊണ്ട് ഖണ്ഡിക വായിക്കുന്നുമെന്നുമാണ് ഗവര്ണര് പറഞ്ഞത്. ഗവര്ണറുടെ ഈ വിയോജിപ്പ് സഭാരേഖകളില് ഉണ്ടാവില്ലെന്നാണ് സ്പീക്കര് ഇപ്പോള് വ്യക്തമാക്കിയിരിക്കുന്നത്.