മലപ്പുറം: താനൂരില് മുസ്ലിം ലീഗ് പ്രവര്ത്തകന് ഇസഹാഖിനെ കൊലപ്പെടുത്തിയ കേസില് മൂന്ന് പേര്
അറസ്റ്റില്. താനൂര് അഞ്ചുടി സ്വദേശികളായ മഷ്ഹൂദ്, മുഫീസ്, ത്വാഹ എന്നിവരാണ് പിടിയിലായത്. മൂന്ന് പേരും സിപിഎം പ്രവര്ത്തകരാണ്. മുഫീസിനും മഷ്ഹൂദിനും കൊലയില് നേരിട്ട് പങ്കുണ്ടെന്ന് പോലീസ് അറിയിച്ചു. പ്രതികളെ രക്ഷപ്പെടാന് സഹായിച്ചെന്ന കുറ്റമാണ് ത്വാഹക്ക് എതിരെ ചുമത്തിയിരിക്കുന്നത്. നാലംഗ സംഘമാണ് ഇസ്ഹാക്കിനെ വെട്ടിക്കൊലപ്പെടുത്തിയത്. കേസില് രണ്ട് പേര് കൂടി പിടിയിലാകാനുണ്ടെന്നാണ് വിവരം.
കേസുമായി ബന്ധപ്പെട്ട് അഞ്ച് പേരെ ഇന്നലെ പൊലീസ് കസ്റ്റഡിയിലെടുത്തിരുന്നു. ഇവരില് നിന്നാണ് പ്രതികളെ കുറിച്ച് വിവരം ലഭിച്ചത്.
വ്യാഴാഴ്ച രാത്രിയാണ് അഞ്ചുടി സ്വദേശിയും മുസ്ലീം ലീഗ് പ്രവര്ത്തകനുമായ ഇസ്ഹാഖിനെ നാലംഗ സംഘം വെട്ടിക്കൊന്നത്. ഇസ്ഹാഖ് അഞ്ചുടി ജുമാമസ്ജിദിലേക്ക് നമസ്കാരത്തിന് പോകുന്ന സമയം പള്ളിക്കടുത്ത് വെച്ചാണ് സംഭവം. നിലവിളി കേട്ട് ഓടിക്കൂടിയ നാട്ടുകാര് ഇസ്ഹാഖിനെ ആശുപത്രിയിലേക്ക് കൊണ്ട് പോയെങ്കിലും ജീവന് രക്ഷിക്കാനായില്ല. കൊലപാതകം രാഷ്ട്രീയ പ്രേരിതമാണെന്ന നിഗമനത്തിലാണ് പൊലീസ്.