അമരാവതി: ആന്ധ്രപ്രദേശ് മുൻ മുഖ്യമന്ത്രി വൈ.എസ്. രാജശേഖര റെഡ്ഡിയുടെ സഹോദരനും മുൻ മന്ത്രിയുമായ വൈ.എസ്. വിവേകാനന്ദ റെഡ്ഡി മരിച്ച നിലയിൽ. ആന്ധ്രപ്രദേശിലെ കടപ്പ ജില്ലയിലെ സ്വവസതിയിലാണ് അദ്ദേഹത്തെ ഇന്ന് മരിച്ച നിലയിൽ കണ്ടെത്തിയത്. ബന്ധുക്കളുടെ പരാതിയെത്തുടർന്ന് പോലീസ് അസ്വാഭാവിക മരണത്തിന് കേസെടുത്തു.
റെഡ്ഡിയുടെ തലയുടെ പിന്നിലും മുൻഭാഗത്തും മുറിവുകളുണ്ട്. മുറിയിലും കുളിമുറിയിലും രക്തക്കറകളും കണ്ടെത്തിയിരുന്നു.
വൈഎസ് ആര് കോണ്ഗ്രസ് രൂപീകരിക്കുമ്പോള് ജഗന് മോഹന് റെഡ്ഡിയുമായുള്ള അഭിപ്രായ വ്യത്യാസത്തെ തുടര്ന്ന് വിവേകാനന്ദ റെഡ്ഡി പാര്ട്ടിയില് നിന്നും വിട്ടു നിന്നിരുന്നു. പിന്നീട് വിഷയങ്ങള് പരിഹരിച്ചാണതിരിച്ചെത്തിയത്. 68 കാരനായ വിവേകാനന്ദ റെഡ്ഡിക്ക് ഭാര്യയും ഒരു മകളുമാണുള്ളത്.