ഗാന്ധിനഗർ: പ്രധാനമന്ത്രി നരേന്ദ്ര മോദിയെ കടന്നാക്രമിച്ച് പ്രിയങ്ക ഗാന്ധി വാദ്ര. കോൺഗ്രസ് നേതാവായതിനു ശേഷമുള്ള ആദ്യ പൊതുയോഗത്തിൽ തന്നെ മോദിക്കെതിരെ പ്രിയങ്ക രൂക്ഷവിമർശം ഉയർത്തി. ഗുജറാത്തിലെ ഗാന്ധിനഗറിൽ നടന്ന പൊതുയോഗത്തിൽ മോദി സർക്കാർ രാജ്യത്ത് വിദ്വേഷം പടർത്തുകയാണെന്ന് കോൺഗ്രസ് ജനറൽ സെക്രട്ടറിയായ പ്രിയങ്ക ആരോപിച്ചു.
നിങ്ങളുടെ വോട്ട് ആയുധമാണെന്ന് മോദിയുടെ ഗുജറാത്തിൽ അണികളോടായി അവർ പറഞ്ഞു. നിങ്ങൾക്ക് മുന്നിൽ കൂടുതൽ സംസാരിക്കുന്നത് ആരാണ്? അദ്ദേഹം വാഗ്ദാനം ചെയ്ത തൊഴിലുകൾ എവിടെയാണ്? അദ്ദേഹം വാഗ്ദാനം ചെയ്ത 15 ലക്ഷത്തിന്‍റെ കാര്യമെന്തായി? സ്ത്രീകളുടെ സുരക്ഷ എന്തായി? നിങ്ങൾ ചിന്തിക്കുക അതിനു ശേഷം പ്രവർത്തിക്കുക- പ്രിയങ്ക ആവശ്യപ്പെട്ടു.
വെറുപ്പിന്‍റെ കാറ്റ് സ്നേഹത്താൽ ഇല്ലാതാകുമെന്നതാണ് രാജ്യത്തിന്‍റെ സ്വഭാവമെന്നും പ്രിയങ്ക പറഞ്ഞു
