തിരുവനന്തപുരം: ശബരിമല വിഷയം തെരഞ്ഞെടുപ്പ് വിഷയം ആക്കരുതെന്ന തെരഞ്ഞെടുപ്പ് കമ്മീഷൻ തീരുമാനത്തിനെതിരെ ബിജെപി. ശബരിമല തെരഞ്ഞെടുപ്പ് വിഷയം ആക്കരുതെന്നുപറയാൻ തെരഞ്ഞെടുപ്പ് കമ്മീഷന് അധികാരമില്ലെന്നു ബിജെപി നേതാവ് കെ. സുരേന്ദ്രൻ പറഞ്ഞു. തെരഞ്ഞെടുപ്പിൽ ശബരിമല വിഷയം ഉയർത്തിക്കൊണ്ടുവരും. ശബരിമലയുമായി ബന്ധപ്പെട്ട സർക്കാർ നിലപാടുകൾ തെരഞ്ഞെടുപ്പിൽ ചർച്ച ചെയ്യുമെന്നും സുരേന്ദ്രൻ പറഞ്ഞു.സാമുദായിക ധ്രൂവീകരണം മുന്നില്കണ്ടുള്ള പ്രചാരണങ്ങൾ ചട്ടലംഘനമായി കണക്കാക്കുമെന്ന് സംസ്ഥാന തെരഞ്ഞെടുപ്പ് കമ്മീഷണർ ടിക്കാറാം മീണ അറിയിച്ചിരുന്നു. ശബരിമല ഉൾപ്പെടെയുള്ള വിഷയങ്ങൾ തെരഞ്ഞെടുപ്പിൽ പ്രചാരണായുധം ആക്കരുതെന്നും അദ്ദേഹം മുന്നറിയിപ്പ് നൽകി. ദൈവം, മതം, ജാതി എന്നിവ പ്രചാരണവിഷയമാക്കുന്നത് തെരഞ്ഞെടുപ്പ് ചട്ടങ്ങളുടെ ലംഘനമാണ്. ഇങ്ങനെയുണ്ടായാൽ സ്ഥാനാർഥിക്കെതിരെ കേസെടുക്കുമെന്നും കമ്മീഷണർ അറി യിച്ചു.
തെരഞ്ഞെടുപ്പ് ഓഫീസര്ക്കെതിരെ ബിജെപി; ശബരിമല വിഷയമാകുമെന്ന് സുരേന്ദ്രൻ
By
March 11, 2019 5:55 pm