മിഷിഗണ്‍: വിലയേറിയ സമ്മാനങ്ങള്‍ നല്‍കിയ ശേഷം വിദ്യാര്‍ഥിയെ ലൈംഗികമായി ഉപയോഗിച്ച സ്‌പെഷ്യല്‍ സ്‌കൂള്‍ അധ്യാപിക അറസ്റ്റില്‍. മൂന്നു കുട്ടികളുടെ അമ്മയായ മുപ്പത്തെട്ടുകാരി അധ്യാപിക ഹെതര്‍ വിന്‍ഫീല്‍ഡാണ് പിടിയിലായത്. യു എസിലെ അല്‌പേനയിലെ സ്‌കൂള്‍ കേള്‍വിശക്തിക്ക് തകരാറുള്ള വിദ്യാര്‍ഥിയായ ആണ്‍കുട്ടിയെയാണ് ഇവര്‍ നൂറിലേറെ തവണ ലൈംഗികമായി ഉപയോഗിച്ചത്.
ഫ്‌ലോറിഡ, ടെന്നെസെ എന്നിവിടങ്ങളില്‍ കുടുംബത്തോടൊപ്പം യാത്ര ചെയ്യവേ ഈ കുട്ടിയേയും ഇവര്‍ കൂടെക്കൂട്ടിയിരുന്നു. ടെന്നീസ് ഷൂസ്, ബൈക്കുകള്‍, ഫിഷിംഗ് ഗിയര്‍ തുടങ്ങി നിരവധി സമ്മാനങ്ങള്‍ ഇവര്‍ കുട്ടിക്ക് വാങ്ങി നല്‍കിയിരുന്നു. ഇപ്പോള്‍ പതിനാലു വയസ്സുള്ള കുട്ടിയെ പതിനൊന്നു വയസ്സ് മുതല്‍ ഇവര്‍ നിരന്തരം പീഡിപ്പിക്കുകയായിരുന്നെന്നു കുട്ടി മൊഴി നല്‍കി
2016 ജൂലൈയില്‍ ഇവരുടെ കുടുംബവീട്ടില്‍ വച്ചാണ് അധ്യാപിക തന്നെ ആദ്യമായി ഉപയോഗിച്ചതെന്ന് കുട്ടി മൊഴി നല്‍കിയിട്ടുണ്ട്. ഇതുമായി ബന്ധപ്പെട്ട ഫോട്ടോകളും വീഡിയോകളും തന്റെ പക്കല്‍ ഉണ്ടെന്നും കുട്ടിയുടെ മൊഴിയില്‍ പറയുന്നു തണ്ടര്‍ ബേ ജൂനിയര്‍ ഹൈസ്‌കൂളില്‍ പഠിപ്പിച്ചു കൊണ്ടിരുന്ന ഇവരെ 2016ല്‍ ജോലിയില്‍ നിന്ന് പിരിച്ചു വിട്ടിരുന്നു. അധ്യാപികയുടെ ഫേസ്ബുക്ക് മെസേജുകള്‍ കണ്ട കുട്ടിയുടെ പഴയ ഗേള്‍ഫ്രണ്ടാണ് പോലീസിനെ വിവരമറിയിച്ചത്.
തുടര്‍ന്ന് പോലീസ് നടത്തിയ അന്വേഷണത്തില്‍ പതിനാറോളം റൂമുകളില്‍ വിന്‍ഫീല്‍ഡ് താമസിച്ച രേഖകള്‍ കണ്ടെത്തി. ഇക്കാര്യങ്ങല്‍ കുട്ടിയുടെ മൊഴിയിലും പറഞ്ഞിരുന്നു.രണ്ടു പെണ്‍കുട്ടികളും ഒരു ആണ്‍കുട്ടിയുമുള്ള വിന്‍ഫീല്‍ഡ് ഇപ്പോഴും ഭര്‍ത്താവിനൊപ്പം തന്നെയാണ് താമസിക്കുന്നതെന്ന് ഇവരുടെ സോഷ്യല്‍ മീഡിയ പോസ്റ്റുകള്‍ വ്യക്തമാക്കുന്നു. ഇത്രയുമായിട്ടും ഇവര്‍ കുറ്റം സമ്മതിച്ചിട്ടില്ല. മറ്റു ആളുകളുമായി ചേര്‍ന്നും ഇവര്‍ തന്നെ ലൈംഗിക ബന്ധത്തിനു വിധേയമാക്കിയിട്ടുണ്ടെന്നും കുട്ടിയുടെ മൊഴിയില്‍ പറയുന്നുണ്ട്.
എന്നാല്‍ കുട്ടി പറയുന്നത് പച്ചക്കള്ളമാണെന്ന് അധ്യാപികയുടെ വക്കീലായ മാറ്റ് വോജ്ഡ. ആദ്യം ആയിരം തവണ തന്നെ ഉപയോഗിച്ചെന്നു പറഞ്ഞ കുട്ടി പിന്നീട് അത് നൂറു തവണ എന്ന് തിരുത്തി. തന്റെ നഗ്‌ന ചിത്രങ്ങള്‍ പകര്‍ത്തി അധ്യാപികയുടെ മൊബൈലില്‍ അയച്ചു കൊടുത്തു. കുട്ടിയെ ദത്തെടുക്കാന്‍ അധ്യാപികയും ഭര്‍ത്താവും ചേര്‍ന്ന് ശ്രമിച്ചിരുന്നു. എന്നാല്‍ കുട്ടി അക്രമാസക്തനായി പിന്നീട് ഈ പദ്ധതി ഉപേക്ഷിക്കുകയായിരുന്നു എന്നും മാറ്റ് പറഞ്ഞു.
