കാസര്കോട് ജില്ലയിലെ പെരിയയില് കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകരുടെ വീടുകള് മുഖ്യമന്ത്രി പിണറായി വിജയന് സന്ദര്ശിക്കാന് സാധ്യത. മുഖ്യമന്ത്രി താല്പര്യം അറിയിച്ചതിനെ തുടര്ന്ന് സിപിഎം ജില്ലാ നേതൃത്വം കോണ്ഗ്രസ് നേതാക്കളെ ബന്ധപ്പെട്ടു.
എന്നാല്, പ്രവര്ത്തകര് എങ്ങനെ പ്രതികരിക്കുമെന്ന് അറിയില്ലെന്ന് ഡിസിസി നേതൃത്വം മറുപടി നല്കി. സിപിഎം പാര്ട്ടി ഓഫീസിന്റെ ശിലാസ്ഥാപനത്തിനുശേഷം വീടുകള് സന്ദര്ശിക്കാനാണ് സാധ്യത.
പ്രതിഷേധ സാധ്യത കണക്കിലെടുത്ത് മുഖ്യമന്ത്രി പങ്കെടുക്കുന്ന ചടങ്ങുകളില് കനത്ത സുരക്ഷ ഉറപ്പാക്കിയിട്ടുണ്ട്. സിബിഐ അന്വേഷണം ആവശ്യപ്പെട്ട് കോണ്ഗ്രസിന്റെ നേതൃത്വത്തില് കാഞ്ഞങ്ങാട് ഡിവൈഎസ്പി ഓഫീസിലേയ്ക്ക് ഇന്ന് മാര്ച്ച് നടത്തും. ഇന്നലെ അറസ്റ്റിലായ അഞ്ചുപേരെയും ഇന്ന് കോടതിയില് ഹാജരാക്കും.