യാവത്മാല്: രാജ്യത്തെ നടുക്കിയ പുല്വാമ ഭീകരാക്രമണത്തില് ഇന്ത്യ ശക്തമായ തിരിച്ചടി നല്കുമെന്ന് ആവര്ത്തിച്ച് പ്രധാനമന്ത്രി നരേന്ദ്രമോദി. മഹാരാഷ്ട്രയിലെ യാവത്മാലില് വിവിധ വികസനപദ്ധതികളുടെ ഉദ്ഘാടനം നിര്വഹിക്കുകയായിരുന്നു പ്രധാനമന്ത്രി.
‘നിങ്ങളുടെ രോഷം ഞാന് മനസ്സിലാക്കുന്നു. മഹാരാഷ്ട്രയുടെ രണ്ട് പ്രിയപുത്രന്മാരും ഭീകരാക്രമണത്തില് ജീവന് ത്യജിച്ചു. ആ ത്യാഗം വെറുതെയാകില്ല. ഈ കുറ്റകൃത്യം നടത്തിയ തീവ്രവാദി സംഘടനകള് എത്ര ഒളിച്ചാലും വെറുതെ വിടില്ല. അവരെ ഇന്ത്യ കണ്ടെത്തി ശിക്ഷിക്കും.’ പ്രധാനമന്ത്രി പറഞ്ഞു.
തിരിച്ചടിക്കാന് സൈന്യത്തിന് പൂര്ണ സ്വാതന്ത്ര്യം നല്കിക്കഴിഞ്ഞതായി മോദി ആവര്ത്തിച്ചു. ആഭ്യന്തര സുരക്ഷയ്ക്ക് തന്നെയാണ് പ്രാധാന്യം നല്കുന്നതെന്ന് പ്രധാനമന്ത്രി വ്യക്തമാക്കി.