കണ്ണൂര്: പ്രായപൂര്ത്തിയാകാത്ത പെണ്കുട്ടിയെ വൈദികന് ബലാത്സംഗം ചെയ്തു ഗര്ഭിണിയാക്കിയ കൊട്ടിയൂര് പീഡന കേസില് ഫാദര് റോബിന് വടക്കുംചേരി കുറ്റക്കാരനെന്ന് കോടതി വിധിച്ചു. തലശേരി പോക്സോ കോടതിയുടെതാണ് വിധി. കേസിലെ മറ്റ് ആറ് പ്രതികളെ കോടതി വെറുതെവിട്ടു. തെളിവുകളുടെ അഭാവത്തിലാണ് വെറുതെ വിട്ടത്.
കമ്പ്യൂട്ടര് പഠിക്കാനായി എത്തിയ പതിനാറുകാരിയെ ആണ് സ്വന്തം മുറിയില് വച്ച് ഫാദര് റോബിന് വടക്കുംചേരി പീഡിപ്പിച്ച് ഗര്ഭിണിയാക്കിയത്. കൂത്തുപറമ്പ് ക്രിസ്തുരാജ് ആശുപത്രിയിലായിരുന്നു പെണ്കുട്ടിയുടെ പ്രസവം. ചൈല്ഡ് ലൈന് ലഭിച്ച രഹസ്യ വിവരം പൊലീസിനു കൈമാറിയതോടെ കേസ് റജിസ്റ്റര് ചെയ്തത്.