ടെന്നീസിലേക്ക് തിരിച്ച് വരാനൊരുങ്ങി സാനിയ മിര്സ. നീണ്ട ഇടവേളയ്ക്ക് ശേഷം ഈ വര്ഷം അവസാനത്തോടെ ടെന്നീസ് കോര്ട്ടില് തിരിച്ചെത്തുമെന്നാണ് വാര്ത്തകള്. 2017 ഒക്ടോബറില് ചൈന ഓപ്പണിലാണ് സാനിയ അവസാനമായി കളിച്ചത്.
കാല് മുട്ടിനേറ്റ പരിക്കിനെത്തുടര്ന്ന് പിന്നീട് കുറച്ചുകാലം ടെന്നീസില് നിന്ന് വിട്ടു നിന്ന സാനിയ കഴിഞ്ഞ വര്ഷം ഒക്ടോബറില് അമ്മയായി. വൈകാതെ പരിശീലനം പുനരാരംഭിക്കനാകുമെന്നാണ് പ്രതീക്ഷയെന്ന് സാനിയ പറഞ്ഞു.
ഈ വര്ഷം അവസാനത്തോടെ മത്സര ടെന്നീസില് തിരിച്ചെത്താനാകുമെന്നാണ് പ്രതീക്ഷയെന്നും ദ ഹിന്ദുവിന് നല്കിയ അഭിമുഖത്തില് സാനിയ വ്യക്തമാക്കി. അടുത്ത 10 ദിവസത്തിനുള്ളില് തന്റെ ട്രെയിനര് എത്തുമെന്നും ടെന്നീസില് തിരിച്ചെത്താനായി ഭാരം കുറച്ചുവെന്നും 32കാരിയായ സാനിയ പറഞ്ഞു. ടെന്നീസാണ് എന്റെ ജീവിതം. മത്സര ടെന്നീസില് തിരിച്ചെത്താനുള്ള കരുത്ത് തനിക്കുണ്ടെന്നും സാനിയ വ്യക്തമാക്കി.
വിവാഹത്തിനും അമ്മയായതിനും ശേഷം മത്സര ടെന്നീസില് തിരിച്ചെത്തി കിരീടങ്ങള് സ്വന്തമാക്കിയ സ്റ്റെഫി ഗ്രാഫിനെ ആണ് ഇക്കാര്യത്തില് താന് മാതൃകയാക്കുന്നതെന്നും സാനിയ പറഞ്ഞു.