ഷില്ലോംഗ്: മേഘാലയയില് ഖനി അപകടത്തില്പ്പെട്ട ഒരാളുടെ മൃതദേഹം കണ്ടെത്തി. നാവികസേന നടത്തിയ തെരച്ചിലിലാണ് 200 അടി താഴ്ചയില് നിന്ന് മൃതദേഹം കണ്ടെത്തിയത്. കഴിഞ്ഞ മാസം 13നാണ് ഈസ്റ്റ് ജയന്തിയ ഹില്സ് ഡിസ്ട്രിക്ടിലെ അനധികൃത ഖനിയില് 15 തൊഴിലാളികള് കുടുങ്ങിയത്.
ഇന്ത്യന് നാവികസേനയും ദേശീയ ദുരന്ത പ്രതികരണ സേനയും സംയുക്തമായാണ് തെരച്ചില് നടത്തുന്നത്. വെള്ളത്തിനടിയിലുള്ള വസ്തുക്കള് കണ്ടെത്താന് നാവികസേനയിലെ ഡൈവര്മാര് ഉപയോഗിക്കുന്ന അണ്ടര് വാട്ടര് റിമോട്ട്ലി ഓപറേറ്റഡ് വെഹിക്കിള് ഉപയോഗിച്ചു നടത്തിയ തെരച്ചിലിലാണ് ഖനിയുടെ ആഴമേറിയ ഭാഗത്തുനിന്ന് തൊഴിലാളികളില് ഒരാളുടെ മൃതദേഹം കണ്ടെത്തിയത്. മൃതദേഹം എത്രയും വേഗം പുറത്തെത്തിക്കാനുള്ള ശ്രമത്തിലാണ് രക്ഷാപ്രവര്ത്തകര്.