അഡ്ലെയ്ഡ്: ഓസ്ട്രേലിയയ്ക്കെതിരായ രണ്ടാം ഏകദിനത്തില് ഇന്ത്യയ്ക്ക് വിജയം. വിക്കറ്റിനാണ് ഇന്ത്യ വിജയിച്ചത്. ഇതോടെ മൂന്നു മത്സര പരമ്പരയില് ഇന്ത്യ ഒപ്പമെത്തി.
സെഞ്ചുറി നേടിയ ക്യാപ്റ്റന് വിരാട് കോലിയുടെ ഇന്നിങ്സാണ് ഇന്ത്യന് വിജയത്തില് നിര്ണായകമായത്. 108 പന്തില് നിന്നാണ് കോലി സെഞ്ചുറി പൂര്ത്തിയാക്കിയത്. കോലിയുടെ 39-ാം ഏകദിന സെഞ്ചുറിയാണിത്. 112 പന്തില് നിന്ന് അഞ്ചു ബൗണ്ടറികളും രണ്ടു സിക്സുമടക്കം 104 റണ്സെടുത്താണ് കോലി പുറത്തായത്.
299 റണ്സ് വിജയലക്ഷ്യത്തിലേക്ക് ബാറ്റെടുത്ത ഇന്ത്യയ്ക്ക് ധവാന്-രോഹിത് സഖ്യം മികച്ച തുടക്കമാണ് നല്കിയത്. അര്ധ സെഞ്ചുറി നേടിയ ധോനിയും 25 റണ്സെടുത്ത ദിനേഷ് കാര്ത്തിക്കും ചേര്ന്ന് ഇന്ത്യയെ വിജയത്തിലെത്തിക്കുകയായിരുന്നു.