ജക്കാര്ത്ത: ഇന്തൊനീഷ്യയില് ആഞ്ഞടിച്ച സുനാമിയില്പ്പെട്ട് 43 പേര് മരിച്ചു. 600 ഓളം പേര്ക്ക് പരിക്കേറ്റു. പ്രാദേശിക സമയം ശനിയാഴ്ച രാത്രി 9.30നാണ് സുനാമിയുണ്ടായത്.
തെക്കന് സുമാത്ര, പടിഞ്ഞാറന് ജാവ എന്നിവിടങ്ങളില് ആഞ്ഞടിച്ച സുനാമിത്തിരകളില്പെട്ടു നിരവധി കെട്ടിടങ്ങളും തകര്ന്നു. അതേസമയം, മരണ സംഖ്യ ഉയരാന് സാധ്യതയുണ്ടെന്നാണ് റിപ്പോര്ട്ടുകള്.
അനക് ക്രാക്കതാവു അഗ്നിപര്വത ദ്വീപില് ഉണ്ടായ പൊട്ടിത്തെറിയും കടലിനടിയിലുണ്ടായ മാറ്റങ്ങളുമാണ് സുനാമിക്കു കാരണമെന്നാണു കരുതുന്നത്.