സന്നിധാനത്ത് സ്ത്രീയെ വധിക്കാന് ശ്രമിച്ച കേസില് അറസ്റ്റിലായ ബി ജെ പി സംസ്ഥാന ജനറല് സെക്രട്ടറി കെ. സുരേന്ദ്രന് ഇന്ന് ജയില്മോചിതനാകും. കഴിഞ്ഞ ദിവസം ഹൈക്കോടതിയില് നിന്ന് ഉപാധികളോടെ സുരേന്ദ്രന് ജാമ്യം അനുവദിച്ചിരുന്നു.
21 ദിവസത്തെ ജയില് വാസത്തിന് ശേഷമാണ് സുരേന്ദ്രന് പുറത്തിറങ്ങുന്നത്. ജയിലില് നിന്ന് വാഹന റാലിയുടെ അകമ്പടിയോടെ ആദ്യം പഴവങ്ങാടി ഗണപതി ക്ഷേത്രത്തിലും ശേഷം എ.എന് രാധാകൃഷ്ണന് നിരാഹാരം കിടക്കുന്ന സെക്രട്ടറിയറ്റിന് മുന്നിലെ സമരപ്പന്തലിലേക്കുമാണ് സുരേന്ദ്രന് പോകുക.
സുരേന്ദ്രന് പത്തനംതിട്ട ജില്ലയില് കയറാന് അനുമതിയില്ലെന്നാണ് പ്രധാന ഉപാധി. കഴിഞ്ഞ ദിവസം കേസില് വാദം കേട്ട ഹൈക്കോടതി സുരേന്ദ്രനെ രൂക്ഷമായി വിമര്ശിച്ചിരുന്നു.