കുഞ്ചാക്കോ ബോബനെ കേന്ദ്ര കഥാപാത്രമാക്കി ലാല് ജോസ് സംവിധാനം ചെയ്യുന്ന പുതിയ ചിത്രമാണ് തട്ടുംപുറത്ത് അച്യുതന്. ചിത്രത്തിലെ ആദ്യ വീഡിയോ ഗാനം പുറത്തിറങ്ങി. വിജേഷ് ഗോപാല് ആലപിച്ച ‘മുത്തുമണി രാധേ’ എന്നു തുടങ്ങുന്ന ഗാനമാണ് പുറത്തിറങ്ങിയത്. ബിയാര് പ്രസാദിന്റെ വരികള്ക്ക് ദീപാങ്കുരന് ഈണമിട്ടിരിക്കുന്നു.
നെടുമുടി വേണു, വിജയരാഘവന്, കലാഭവന് ഷാജോണ്,കൊച്ചു പ്രേമന്,സുബീഷ്,സീമാ ജി നായര്,താര കല്യാണ്,ബിന്ദു പണിക്കര് തുടങ്ങിയവരാണ് ചിത്രത്തിലെ പ്രധാന താരങ്ങള്. എം സിന്ധുരാജാണ് ചിത്രത്തിന് തിരക്കഥ ഒരുക്കുന്നത്. ഷെബിന് ബക്കര് പ്രൊഡക്ഷന്സ് നിര്മ്മിക്കുന്ന ചിത്രം എല്ജെ ഫിലിംസാണ് പ്രദര്ശനത്തിനെത്തിക്കുന്നത്. ചിത്രം ക്രിസ്തുമസ് റിലീസായി തിയേറ്ററുകളിലെത്തും.