തിരുവനന്തപുരം: സംസ്ഥാനത്ത് നിപ്പാ വൈറസിനെതിരെ വീണ്ടും ജാഗ്രതാ നിര്ദേശം പുറപ്പെടുവിച്ചു. ആരോഗ്യവിദഗ്ദ്ധരുടെ മുന്നറിയിപ്പിന്റെ അടിസ്ഥാനത്തിലാണ് നിര്ദേശം.
ഡിസംബര് മുതല് ജൂണ് വരെയുള്ള കാലയളവിലാണ് നിപ്പാ വൈറസ് ബാധ ആരംഭിക്കുകയെന്ന് ആരോഗ്യവിദഗ്ദ്ധര് മുന്നറിയിപ്പ് നല്കുന്നു. ഇക്കാലയളവില് പൊതുജനങ്ങള് പച്ചക്കറികളും പഴങ്ങളും കഴിക്കുമ്പോള് ജാഗ്രത പാലിക്കണമെന്ന് അറിയിപ്പില് പറയുന്നു.
നന്നായി കഴുകി വൃത്തിയാക്കി മാത്രമേ ഇവ ഭക്ഷിക്കാവൂ. തുറസായ സ്ഥലങ്ങളില് വളരുന്ന ഫലങ്ങള് കഴിക്കുമ്പോഴും ജാഗ്രത വേണം.
ചുമ പോലെയുള്ള നിപ്പാ ലക്ഷണങ്ങളോടെ വരുന്നവരെ പരിശോധനിക്കാന് പ്രത്യേക മേഖല തന്നെ സജ്ജമാക്കണമെന്നും ഇവിടെ ചുമതലയിലുള്ള ഡോക്ടര്മാരും ജീവനക്കാരും നിര്ബന്ധമായും മാസ്കുകള് ധരിക്കണമെന്നും അറിയിപ്പിലുണ്ട്.
ചുമയുള്ളവര് വീടിന് പുറത്തിറങ്ങുമ്പോഴും മറ്റുള്ളവരുമായി ഇടപെടുപ്പോഴും മാസ്കോ ടൗവലോ ഉപയോഗിക്കണമെന്നും സംസ്ഥാനത്തെ മെഡി.കോളേജുകള്, ജില്ലാ ആശുപത്രികള്, താലൂക്ക് ആശുപത്രികള് എന്നിവിടങ്ങളിലെല്ലാം മേല്നിര്ദേശപ്രകാരം സജ്ജീകരണങ്ങള് ഒരുക്കണമെന്നും അറിയിപ്പില് വ്യക്തമാക്കുന്നു.