തിരുവനന്തപുരം: നെയ്യാറ്റിന്കര സനല്കുമാര് വധക്കേസിലെ മുഖ്യപ്രതി ഡിവൈഎസ്പി ഹരികുമാര് ആത്മഹത്യ ചെയ്തു. തിരുവനന്തപുരം കല്ലമ്പലത്തെ വീട്ടില് ഹരികുമാറിനെ തൂങ്ങി മരിച്ച നിലയിലാണ് കണ്ടെത്തിയത്.
ഭാര്യയുടെ അമ്മ വളര്ത്തു നായയ്ക്ക് ഭക്ഷണം നല്കാനെത്തിയപ്പോഴാണ് ഡിവൈഎസ്പിയെ തൂങ്ങി മരിച്ച നിലയില് കണ്ടെത്തിയത്. ഇവര് ഉടന് ബന്ധുക്കളെ വിവരം അറിയിക്കുകയായിരുന്നു. ഈ വീടിനു തൊട്ടടുത്താണു ഭാര്യയുടെ അമ്മ താമസിക്കുന്നത്.
അതേസമയം, ഹരികുമാറിന്റെ അറസ്റ്റ് വൈകുന്നതില് പ്രതിഷേധിച്ച് സനലിന്റെ ഭാര്യ വിജി നടത്തിവന്ന ഉപവാസ സമരം അവസാനിപ്പിച്ചു. സംഭവത്തില് ദൈവത്തിന്റെ വിധി നടപ്പായെന്ന് വിജി പ്രതികരിച്ചു.