കൊച്ചി: ദിലീപ് അവസരം നിഷേധിച്ചുവെന്ന് ആക്രമണത്തിനിരയായ നടി പരാതിപ്പെട്ടിട്ടുണ്ടെന്ന് അമ്മ ജനറല് സെക്രട്ടറി ഇടവേള ബാബു. നടിയെ ആക്രമിച്ച കേസില് പൊലീസിനു നല്കിയ മൊഴിയിലാണ് വെളിപ്പെടുത്തല്.
ദിലീപ് ഇടപെട്ട് മലയാള സിനിമയില് നിന്ന് മാറ്റിനിര്ത്തുന്നുവെന്ന് ആക്രമണത്തിനിരയായ നടി പരാതി പറഞ്ഞിട്ടുണ്ടെന്നും നടിയുടെ പരാതിയില് കുറച്ച് വാസ്തവമുണ്ടെന്ന് തനിക്ക് തോന്നിയിരുന്നതായും ഇടവേള ബാബു വ്യക്തമാക്കുന്നു.
നടിയുടെ പരാതിയെക്കുറിച്ച് ദിലീപിനോട് സംസാരിച്ചിരുന്നതായും ആവശ്യമില്ലാത്ത കാര്യത്തില് തലയിടുന്നത് എന്തിനാണെന്ന് ചോദിച്ചതായും ഇടവേള ബാബു മൊഴിനല്കി. ഇരയായ നടിയും ദിലീപും തമ്മിലുള്ള പ്രശ്നങ്ങള് സംഘടന ചര്ച്ചചെയ്തിട്ടില്ലെന്നും താരങ്ങളുടെ തൊഴിലുമായി ബന്ധപ്പെട്ട പരാതികള് സംഘടനയില് വരാറുണ്ടെന്നും ബാബു പറഞ്ഞു.