പത്തനംതിട്ട: മുന് വര്ഷത്തില് നിന്ന് വ്യത്യസ്തമായി ശബരിമലയില് സ്ത്രീകള്ക്കായി കൂടുതല് സൗകര്യങ്ങള് ഉണ്ടാകില്ലെന്ന് ദേവസ്വം ബോര്ഡ് പ്രസിഡന്റ് എ പദ്മകുമാര്. നിലവിലെ സൗകര്യങ്ങളില് മുമ്പും സ്ത്രീകള് വന്നിട്ടുണ്ടെന്നും തുടര് നടപടികള് ഹൈക്കോടതി നിര്ദേശമനുസരിച്ചെന്നും പദ്മകുമാര് പറഞ്ഞു.
ദേവസ്വം ബോര്ഡിനെ സംബന്ധിച്ച് കോടതി വിധി നടപ്പാക്കുന്നതില് പ്രത്യേക താത്പര്യമോ താത്പര്യമില്ലായ്മയോ ഇല്ല. പതിനെട്ടാം പടിയില് വനിതാ പൊലീസിനെ വിന്യസിക്കാന് തീരുമാനിച്ചിട്ടില്ലെന്നും അദ്ദേഹം പറഞ്ഞു.