കോഴിക്കോട്: അപ്രഖ്യാപിത ഹര്ത്താലിന്റെ മറവിലും തുടര്ന്നും നടന്ന അക്രമങ്ങളുടെ പശ്ചാത്തലത്തില് കോഴിക്കോട് നഗരത്തില് ഒരാഴ്ചത്തേക്ക് നിരോധനാജ്ഞ പ്രഖ്യാപിച്ചു.
ബോധപൂര്വമുള്ള സംഘര്ഷങ്ങള്ക്ക് സാധ്യതയുണ്ടെന്ന രഹസ്യാന്വേഷണ വിഭാഗത്തിന്റെ റിപ്പോര്ട്ടിന്റെ അടിസ്ഥാനത്തിലാണ് സിറ്റി പോലീസ് കമ്മീഷണര് നിരോധനാജ്ഞ പ്രഖ്യാപിച്ചത്.
സമൂഹമാധ്യമങ്ങളിലൂടെയുള്ള ഹര്ത്താല് ആഹ്വാനത്തിന്റെ മറവില് സംസ്ഥാനത്ത് പലയിടത്തും കടയടപ്പിക്കലും വാഹനം തടയലും സംഘര്ഷവും അരങ്ങേറിയിരുന്നു.
നിരോധനാജ്ഞ പ്രഖ്യാപിച്ച സാഹചര്യത്തില് കോഴിക്കോട് നഗരത്തില് എസ്ഡിപിഐ നടത്താനിരുന്ന പ്രതിഷേധ മാര്ച്ച് മാറ്റിവയ്ക്കുമോ എന്ന കാര്യത്തില് തീരുമാനമായിട്ടില്ല.