മലപ്പുറം കൊണ്ടോട്ടിയില് ലോറിയില് കടത്താന് ശ്രമിച്ച സ്ഫോടകവസ്തുക്കള് പിടികൂടി. ജലാറ്റിന് സ്റ്റിക് അടക്കമുള്ള സ്ഫോടകവസ്തുക്കളാണു പിടികൂടിയത്. ചാക്കില് കെട്ടിയ കോഴിക്കാഷ്ടത്തിനിടയില് ഒളിപ്പിച്ചാണ് സ്ഫോടകവസ്തുക്കള് കടത്താന് ശ്രമിച്ചത്. സംഭവവുമായി ബന്ധപ്പെട്ട് രണ്ടുപേരെ പൊലീസ് കസ്റ്റഡിയിലെടുത്തു.
ക്വാറികളില് ഉപയോഗിക്കുന്നതിനായി കൊണ്ടുവന്നതാണ് ഈ സ്ഫോടകവസ്തുക്കള് എന്നാണ് പോലീസിന്റെ നിഗമനം. രഹസ്യ വിവരത്തെ തുടര്ന്ന് ബുധനാഴ്ച പുലര്ച്ചെ നടത്തിയ പരിശോധനയിലാണ് സ്ഫോടകവസ്തുക്കള് പിടികൂടിയത്. മോങ്ങത്തെ ഒരു ഗോഡൗണിലേക്ക് കൊണ്ടുപോവുകയായിരുന്നു സ്ഫോടകവസ്തുക്കള്. തുടര്ന്ന് നടത്തിയ പരിശോധനയില് ഗോഡൗണില്നിന്ന് വലിയ തോതിലുള്ള സ്ഫോടകവസ്തുക്കള് കണ്ടെത്തി.