ഹീറോ മോട്ടോകോര്പ്പ് പുതിയ മൂന്ന് സ്കൂട്ടറുകള് അടുത്ത സാമ്പത്തിക വര്ഷത്തില് ഇന്ത്യന് വിപണിയിലെത്തിക്കും. 125 സിസി എന്ജിന് കരുത്തുള്ള സ്കൂട്ടറാണ് ഇതില് പ്രധാനി. ഫെബ്രുവരിയില് നടക്കാനിരിക്കുന്ന 2018 ഡല്ഹി ഓട്ടോ എക്സ്പോയ്ക്ക് മുന്പ് തന്നെ ആവ 125 ഹീറോ മോട്ടോകോര്പ്പ് പുറത്തിറക്കുമെന്നാണ് സൂചന.
2014 ഡല്ഹി ഓട്ടോ എക്സ്പോയില് അവതരിപ്പിച്ച ഹീറോ ഡേര് 125 കണ്സെപ്റ്റാണ് ആവ 125 എന്ന പേരില് വിപണിയിലെത്തുക. രൂപത്തില് ഡിയോയുടെ ചെറിയ സാമ്യം പുതിയ വാഹനത്തിനുണ്ട്. 125 സിസി നിരയില് മികച്ച വില്പനയുള്ള ഹോണ്ട ആക്ടീവയ്ക്ക് മികച്ച എതിരാളിയാകും ഹീറോ ആവ. സിവിടി ട്രാന്സ്മിഷനില് 124.6 സിസി സിംഗിള് സിലിണ്ടര് എന്ജിന് 9.38 ബിഎച്ച്പി പവറും 9.8 എന്എം ടോര്ക്കുമാണ് നല്കുക.
1820 എംഎം നീളവും 975 എംഎം വീതിയും 1180 എംഎം ഉയരവും വാഹനത്തിനുണ്ട്. 155 എംഎം ആണ് ഗ്രൗണ്ട് ക്ലിയറന്സ്. സുരക്ഷ വര്ധിപ്പിക്കാന് മുന്നില് മാത്രമാണ് 200 എംഎം ഹൈഡ്രോളിക് ഡിസ്ക് ബ്രേക്ക് നല്കുക, പിന്നില് 130 എംഎം ഡ്രം ബ്രേക്ക് തുടരും. 114 കിലോഗ്രമാണ് ആകെ ഭാരം. ഹീറോ നിരയില് മാസ്ട്രോയ്ക്ക് മുകളില് സ്ഥാനം പിടിച്ച ആവയ്ക്ക് 55000-60000 രൂപയ്ക്കുള്ളിലാകും എക്സ്ഷോറൂം വില.